મને એવી રીતે કઝા યાદ આવી,કોઈ એમ સમજે દવા યાદ આવી.
આ શું પ્રગટ્યું છે મારામાં કે યાદ કરું છું ગોકુળને.છે મન ગમતીલી દ્વિધામાં કે યાદ કરું છું ગોકુળને.
ના મારા ગુના યાદ કે ના એની સજા યાદ,રહી ગ્યો છે અમસ્તો જ મને મારો ખુદા યાદ.
હતો જીવંત ત્યારે કંઈ ખબર લીધી નથી ‘બેબસ',મરણ થાતાં કરી માતમ નકામી યાદ રે'વા દે.
તારી યાદ આવે અને હું રાતભર જાગ્યા કરું,કઈ હવા લઈ આવશે તારી ખબર? જાગ્યા કરું.
યાદ ભૂંસાતી રહી કે હું - ખબર પડતી નથીજ્યોત બુઝાતી રહી કે હું - ખબર પડતી નથી
સૂની રાત્રે યાદ તમારી;વનમાં જાણે મ્હેકી અરણી!
તારી એકલતાની સરહદ વિસ્તરેલી – યાદ છે?એક દિ’ એ મારી ગઝલોને અડેલી – યાદ છે?
તાંતણાથી પાતળી પીડા લઈ,યાદ ગૂંથીને ગઝલ જાળું કર્યું.
હીરાકણી હીરા કાપે છે, સોમલ ઝેરનું મારણ છે;તારી યાદ ગઝલમાં વણું છું, તારી યાદ વીસ૨વાને!
યાદ કરવા જાઉં તો પણ યાદ આવે ના હવે;એક વીંટી કોઈને ગુમનામ દૈ બેઠા છીએ.
સોણલાં - સોણલાં રહી ગયા છે,યાદ પણ ધૂંધળી થઈ ગઈ છે.
એ ફુરસદની પળો વિતાવવા કામ આવશે તમનેઅમારી યાદ દિલના એક ખૂણે સંઘરી રાખો
અંધારું ઓળખું છું સિતારા ગણી ગણી,ને ત્યાં જ યાદ આવી મને તારી ઓઢણી.
ભૂલી શકું ન સાવ, ભલે યાદ ના કરું,સપનામાં આવી રોજ કરે સળવળાટ રણ.
વૃક્ષ યાદ આવે છે?જીવ પાંદડામાં છે?
તમે જ યાદ અપાવ્યાં મને સ્મરણ જૂનાં,ફરી એ વાત પુરાણી તમે કહો તો કહું.
વિરહની કેવી ઘટા હોય, હવે યાદ નથી,હજીયે જો કે મિલનની તો બસ નવાઈ છે.
બળતી બપોરે રણમાં બીજું તો શું સાંભરે?આવે છે યાદ એ જે બગીચામાં ઝાડ છે.
મને ચારેતરફથી આ નગર ઘેરી વળ્યું છે,હવે તું યાદ આવે તોય તેનો અર્થ શું છે?
ઈશ્વર સ્મરણ માટેની એક નાની માળા. જે 108 મણકાની હોતી નથી.
રેખ્તા
હિન્દવી
સૂફીનામા
રાજસ્થાની
