રેખ્તા
હિન્દવી
સૂફીનામા
રાજસ્થાની
એક ફેબલ
ek phebal
ધીરેન્દ્ર મહેતા
ધીરેન્દ્ર મહેતા
અહીં હતો એક દરિયો,
દરિયા ભેળું આકાશ;
ત્રીજો હતો એક દેડકો,
ત્યાં બેઉ જણની પાસ.
દરિયાથી આઘો થઈ,
દેડકો એક દી ચાલ્યો;
દરિયે તો જાવા દીધો,
એને પાછો ના વાળ્યો.
આકાશ તો ભૈ, આકાશ,
પાછળપાછળ ગયું;
ડ્રાંઉં ડ્રાંઉં કરતું થૈ,
ખાબોચિયામાં પડ્યું!
સ્રોત
- પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 230)
- સંપાદક : ચન્દ્રકાન્ત ટોપીવાળા
- પ્રકાશક : ગુજરાતી સાહિત્ય પરિષદ
- વર્ષ : 2004