રેખ્તા
હિન્દવી
સૂફીનામા
રાજસ્થાની
જોવા જઈશ
jowa jaish
જોવા જઈશ
jowa jaish
મારા બેડાનું અટકણ ઈંઢોણી,
મારૂં બાર બેડાનું માટ, મહારાજ;
મહીનો દાણી કાનુડો, -મારા બેડાનું.
મારા હાથમાં તે લઈશ સોના બેડલું,
હું તો પાણીને મસે જોવા જઈશ મહારાજ;
મહીનો દાણી કાનુડો, -મારા બેડાનું.
હું તો હરખે જીવન જોવા જઈશ,
મહીનો દાણી કાનુડો, -મારા બેડાનું.
મારા હાથમાં તે લઈશ ફૂલ છાબડી,
હું તો માળીડાને મસે જોવા જઈશ મહારાજ;
મહીનો દાણી કાનુડો, -મારા બેડાનું.
હું તો હરખે જીવન જોવા જઈશ મહારાજ;
મહીનો દાણી કાનુડો, -મારા બેડાનું.
મારા હાથમાં લઈશ સોના ગેડીઓ,
હું તો ગોવાળી મસે જોવા જઈશ, મહારાજ;
મહીનો દાણી કાનુડો, -મારા બેડાનું.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 246)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968