રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મડદાં
maDdan
હિંમત ખાટસૂરિયા
હિંમત ખાટસૂરિયા
ગલીએ ગલીએ સડતાં મડદાં
કલીઓ આજ મરડતાં મડદાં
ગંધાતાં ખૂણા ને ખાંચાં
રાત પડે અહીં રડતાં મડદાં.
શેરી, સડકો, સાંજ-સવારો
સમશાનો ભડભડતાં મડદાં
મેલાં, ઘેલાં, નાગાંપૂગાં
રાત-અધરાતે જડતાં મડદાં,
ચીસો ઊઠતી મહેફિલ વચ્ચે
દર્દે દાંત કચડતાં મડદાં
ઉપર આરસ ખાંભી ચળકે
નીચે સળવળ સડતાં મડદાં.
પહેરી બુરખા અડખે પડખે
ઢાળી આંખ આથડતાં મડદાં
સ્વર્ગ-નરકની ચર્ચા કરતાં
બજારમાં બાખડતાં મડદાં
ગુલાબ રેશમ અત્તર ધૂપો
તો ય નગરને નડતાં મડદાં
સ્રોત
- પુસ્તક : દલિત કવિતા સંચય
- સંપાદક : ગણપત પરમાર, મનીષી જાની
- પ્રકાશક : ગુજરાત લોકાયન
- વર્ષ : 1981