પડખું ફર્યું તળાવ

પડખું ફર્યું તળાવ

એકાદ પથ્થર ફેંકતાં ઝબકી ડર્યું તળાવ;

મારી જ સાથે એ રીતે બસ વિસ્તર્યું તળાવ.

પ્હેલાંની જેવાં ક્યાંય પણ સંવેદનો નથી,

ભરવું હવે શી રીત આ ખાલી કર્યું તળાવ?

એણે કહ્યું : 'મારાં વગર ફાવી ગયું કે કેમ?',

ઉત્તરમાં મારી આંખમાં પડખું ફર્યું તળાવ.

ભીનો રહું છું આમ ને કોરોકટાક આમ,

હોવાપણામાં હોય છે હમણાં નર્યું તળાવ.

બે-ચાર મુઠ્ઠી ધૂળની નાખી છે મેં 'અશોક',

નહિતર હજી અકબંધ છે 'બે-દિલ' ભર્યું તળાવ.

paDakhun pharyun talaw