તારા ગયાના કેટલા મીનિંગ થઈ શકે

તારા ગયાના કેટલા મીનિંગ થઈ શકે,

ઝળહળતો હોય સૂર્ય ને ઈવનિંગ થઈ શકે.

ત્રાટકતી હોય વેદનાની વીજળી સદા,

કાગળમાં શબ્દ-તારથી અર્થિંગ થઈ શકે.

સ્કૂટરની બૅક-સીટથી ડોકાઈ જાય તે,

ખાલીપો ફ્રંટ-ગ્લાસમાં ફીલિંગ થઈ શકે.

એનેલીસીસ ફૂલનું કરતા રહ્યા પછી,

ક્યાંથી લીલેરી મ્હેંકનો સ્પેલિંગ થઈ શકે?

ઓગાળી તારી યાદનો આઈસ હાથમાં,

હોવાના હંસથી પછી સ્વીમિંગ થઈ શકે.

taaraa gayaanaa ketlaa meaning thai shake