તરુણા તરલાનું પ્રેમગાન

આ પ્રેમ એવી વસ્તુ છે જે સ્વાર્થને નથી માનતી;

લજ્જા તથા જનમાનને પણ તે કદી ન પિછાનતી.

જો જો પતંગ બળી મરે દીપક મરે નિઃસ્વાર્થ તે;

ને પ્રાણ અર્પે છે ચકોરો ચન્દ્ર પર નહિ સ્વાર્થ તે.

હે પ્રાણવલ્લભ! પ્રેમદા આ પ્રેમની છે ભોગિની;

તે ઈચ્છતી ના વૈભવોને પ્રેમની છે યોગિની.

મમ નેત્ર આ આતુર રહે છે તવ વદનના દર્શને;

ને ઈચ્છતું આ હૃદય નિશદિન તવ તનુના સ્પર્શને.

સૌભાગ્યહેતો! જીવના આધાર ! સત્વર આવને;

તું સ્નેહજલ સિંચન કરી આ વિરહવહ્નિ શમાવને.

taruna tarlanun premgan