યાદમાં મળીએ પળેપળ ક્યાંક તું ને ક્યાંક હું,

કાપે ચુપચાપ અંજળ ક્યાંક તું ને ક્યાંક હું.

આ ઉપરની સ્વસ્થતા સૌને હસી મળવું સદા,

ને ઊભા અંદરથી વિહ્વળ ક્યાંક તું ને ક્યાંક હું.

ક્યાંય નક્શામાં નથી ને સાથ ત્યાં રહેવું સરળ,

કાળજે સાચવતાં એ સ્થળ ક્યાંક તું ને ક્યાંક હું.

બારણે ઊભા હશે, સૂતા હશે, ઊઠ્યા હશે,

રોજ બસ કરીએ આ અટકળ ક્યાંક તું ને ક્યાંક હું.

વ્યસ્ત કૈં એવા સતત ના જાત જોવાનો વખત,

અન્યને કાજે જ ઝળહળ ક્યાંક તું ને ક્યાંક હું.

એકલાં છલકાઈને ચુપચાપ સુકાઈ જતાં,

લાગણી ખાતર થયાં જળ ક્યાંક તું ને ક્યાંક હું.

એકબીજામાં ધબકતા જીવની માફક સતત,

આ અમરતા બ્હાર કેવળ ક્યાંક તું ને ક્યાંક હું.

yadman maliye palepal kyank tun ne kyank hun,

kape chupchap anjal kyank tun ne kyank hun

a uparni swasthata saune hasi malawun sada,

ne ubha andarthi wihwal kyank tun ne kyank hun

kyanya nakshaman nathi ne sath tyan rahewun saral,

kalje sachawtan e sthal kyank tun ne kyank hun

barne ubha hashe, suta hashe, uthya hashe,

roj bas kariye aa atkal kyank tun ne kyank hun

wyast kain ewa satat na jat jowano wakhat,

anyne kaje ja jhalhal kyank tun ne kyank hun

eklan chhalkaine chupchap sukai jatan,

lagni khatar thayan jal kyank tun ne kyank hun

ekbijaman dhabakta jiwani maphak satat,

a amarta bhaar kewal kyank tun ne kyank hun

yadman maliye palepal kyank tun ne kyank hun,

kape chupchap anjal kyank tun ne kyank hun

a uparni swasthata saune hasi malawun sada,

ne ubha andarthi wihwal kyank tun ne kyank hun

kyanya nakshaman nathi ne sath tyan rahewun saral,

kalje sachawtan e sthal kyank tun ne kyank hun

barne ubha hashe, suta hashe, uthya hashe,

roj bas kariye aa atkal kyank tun ne kyank hun

wyast kain ewa satat na jat jowano wakhat,

anyne kaje ja jhalhal kyank tun ne kyank hun

eklan chhalkaine chupchap sukai jatan,

lagni khatar thayan jal kyank tun ne kyank hun

ekbijaman dhabakta jiwani maphak satat,

a amarta bhaar kewal kyank tun ne kyank hun