રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મારા જ શબ્દ ભેટવા ડગલુંય ના ભરે
maaraa ja shabd bhetvaa dagluny naa bhare
નિમેષ પરમાર
નિમેષ પરમાર
મારા જ શબ્દ ભેટવા ડગલુંય ના ભરે,
તારાં વિચાર ક્યારનાં ઊભા છે ઊંબરે.
મારો સ્વભાવ સાવ સૂકી વાવ થઈ ગયો,
તારો લગાવ તોય હજી ત્યાં જ ઊતરે.
તારી હથેળી ચીતર્યા પાણી તળાવનાં,
મારી હથેળીમાં હજી તરસ્યાં હરણ ફરે.
મારા બધાય શબ્દ અવાચક બની ગયાં
તારાં લગીર મૌનનાં પડઘાં પડ્યાં કરે..
તારો અભાવ એમ હું આંજું છું આંખમાં
જે રીતે તારી માંગમાં સિંદુર તું ભરે...
સ્રોત
- પુસ્તક : પદ્ય : ઑક્ટોબર-ડિસેમ્બર ૨૦૧૯ અંક ૪ (પૃષ્ઠ ક્રમાંક 21)
- સંપાદક : રવીન્દ્ર પારેખ