રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વાત કર
wat kar
આત્મારામ ડોડિયા
આત્મારામ ડોડિયા
શ્વાસને લાયક હવાની વાત કર
એક દર્પણ ને દીવાની વાત કર
ના ગણે માણસ તને તો થાય શુ?
રોગ જૂનો છે દવાની વાત કર
યુદ્ધ કરશું જો વિકલ્પો ના હશે
ના જગા છોડી જવાની વાત કર
આભમાં શુ તાકવાનું નિષ્પલક ?
તીર કોઇ તાકવાની વાત કર
થાય છે જ્યાં આપણા હકનું જમા
તે ખજાના તોડવાની વાત કર
છેક તળિયે આપણું હોવું કબૂલ
આથી ઊંચે જવાની વાત કર
સ્રોત
- પુસ્તક : સૂર્યોન્મુખ
- સર્જક : Aatmaram Dodiya
- વર્ષ : 1999