
ભગ્ન તારી પ્રીતને શણગારવી ભારે પડી,
તુજ પ્રતિમાને ફરી કંડારવી ભારે પડી.
રંજ એનો છે, તમારો પણ પરાજય થઈ ગયો;
પ્રેમની બાજી અમારે હારવી ભારે પડી.
રીસમાં ને રીસમાં મુખ ફેરવી બેઠા તમે,
ચાંદનીને મારે નિત બિરદાવવી ભારે પડી.
મેઘ મલ્હારે થયો ખુશ, ફૂલ મલક્યાં ઝાકળે;
એક તારી હસ્તીને રિઝાવવી ભારે પડી.
ધ્યેય ભૂલી ઝૂંપડી પર ત્રાટકી, બદનામ થઈ;
ઘનઘટાને વીજળી ચમકાવવી ભારે પડી.
જ્યોત પર કૂદ્યાં પતંગાં, આગ થઈ અળખામણી;
રોશની કાજે શમા પ્રગટાવવી ભારે પડી.
રાતદિન તારી પ્રતીક્ષામાં નયન બળતાં રહ્યાં,
મીટ આશા પર અમારે માંડવી ભારે પડી.
નિત્ય સુંદર માની છે હર ચીજને ‘સાકિન!’ અમે,
કોઈને અમ આંખડી તરસાવવી ભારે પડી!
bhagn tari pritne shangarwi bhare paDi,
tuj pratimane phari kanDarwi bhare paDi
ranj eno chhe, tamaro pan parajay thai gayo;
premni baji amare harwi bhare paDi
risman ne risman mukh pherwi betha tame,
chandnine mare nit birdawwi bhare paDi
megh malhare thayo khush, phool malakyan jhakle;
ek tari hastine rijhawwi bhare paDi
dhyey bhuli jhumpDi par tratki, badnam thai;
ghanaghtane wijli chamkawwi bhare paDi
jyot par kudyan patangan, aag thai alkhamni;
roshni kaje shama pragtawwi bhare paDi
ratdin tari prtikshaman nayan baltan rahyan,
meet aasha par amare manDwi bhare paDi
nitya sundar mani chhe har chijne ‘sakin!’ ame,
koine am ankhDi tarsawwi bhare paDi!
bhagn tari pritne shangarwi bhare paDi,
tuj pratimane phari kanDarwi bhare paDi
ranj eno chhe, tamaro pan parajay thai gayo;
premni baji amare harwi bhare paDi
risman ne risman mukh pherwi betha tame,
chandnine mare nit birdawwi bhare paDi
megh malhare thayo khush, phool malakyan jhakle;
ek tari hastine rijhawwi bhare paDi
dhyey bhuli jhumpDi par tratki, badnam thai;
ghanaghtane wijli chamkawwi bhare paDi
jyot par kudyan patangan, aag thai alkhamni;
roshni kaje shama pragtawwi bhare paDi
ratdin tari prtikshaman nayan baltan rahyan,
meet aasha par amare manDwi bhare paDi
nitya sundar mani chhe har chijne ‘sakin!’ ame,
koine am ankhDi tarsawwi bhare paDi!



સ્રોત
- પુસ્તક : આરોહણ (પૃષ્ઠ ક્રમાંક 52)
- સર્જક : સાકિન કેશવાણી
- પ્રકાશક : મહંમદહુસેન હબીબભાઈ કેશવાણી
- વર્ષ : 1963
- આવૃત્તિ : (પ્રથમ આવૃત્તિ)