રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પડખુંયે ફરવાનો હક છીનવી લેવાયો
ત્યાર પછી હું પાયાનો પથ્થર કહેવાયો
જાત પીસવા જાત જોતરી ચાલ્યા કરવું
કોઠે પડતું ગયું બધું ને હું ટેવાયો
કોણ રમે આ બાળક જેવું? કોના હાથે?
વારે વારે લખી લખીને હું છેકાયો.
એક આવરણ સતત રહે છે ચારે બાજુ
ના માળો, ના હૂંફ, હજુયે ક્યાં સેવાયો?
સ્રોત
- પુસ્તક : અક્ષરા (પૃષ્ઠ ક્રમાંક 12)
- સંપાદક : યોસેફ મૅકવાન
- પ્રકાશક : નેશનલ બુક ટ્રસ્ટ, ઈન્ડિયા
- વર્ષ : 2007