રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પડખું ફર્યું તળાવ
paDakhun pharyun talaw
અશોક ચાવડા 'બેદિલ'
અશોક ચાવડા 'બેદિલ'
એકાદ પથ્થર ફેંકતાં ઝબકી ડર્યું તળાવ;
મારી જ સાથે એ રીતે બસ વિસ્તર્યું તળાવ.
પ્હેલાંની જેવાં ક્યાંય પણ સંવેદનો નથી,
ભરવું હવે શી રીત આ ખાલી કર્યું તળાવ?
એણે કહ્યું : 'મારાં વગર ફાવી ગયું કે કેમ?',
ઉત્તરમાં મારી આંખમાં પડખું ફર્યું તળાવ.
ભીનો રહું છું આમ ને કોરોકટાક આમ,
હોવાપણામાં હોય છે હમણાં નર્યું તળાવ.
બે-ચાર મુઠ્ઠી ધૂળની નાખી છે મેં 'અશોક',
નહિતર હજી અકબંધ છે 'બે-દિલ' ભર્યું તળાવ.
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.