રેખ્તા
હિન્દવી
સૂફીનામા
રાજસ્થાની
કુમળી હથોડી
kumli hathoDi
ઉદયન ઠક્કર
ઉદયન ઠક્કર
કઈ તરકીબથી પથ્થરની કેદ તોડી છે?
કૂંપળની પાસે શું કુમળી કોઈ હથોડી છે?
તમારે સાંજને સામે કિનારે જાવું હો,
તો વાતચીતની હલ્લેસાં-સભર હોડી છે.
સમસ્ત સૃષ્ટિ રજતની બન્યાનો દાવો છે,
હું નથી માનતો : આ ચંદ્ર તો ગપોડી છે!
ગઝલ કે ગીતને એ વારાફરતી પ્હેરે છે :
કવિની પાસે શું વસ્ત્રોની બે જ જોડી છે?
સ્રોત
- પુસ્તક : એકાવન (પૃષ્ઠ ક્રમાંક 25)
- સર્જક : ઉદયન ઠક્કર
- પ્રકાશક : શ્રીમતી નાથીબાઈ દામોદર ઠાકરસી મહિલા વિદ્યાપીઠ
- વર્ષ : 1987