હું શબ્દનો શણગાર છું – તું કોણ છે

હું શબ્દનો શણગાર છું – તું કોણ છે

હું અર્થનો અણસાર છું – તું કોણ છે

ઘટના બની તમસા નદીના તીર પર

હું શ્લોકનો અવતાર છું – તું કોણ છે

આ દર્પણોને હું કહું તો શું કહું

હું બિંબ છું પડકાર છું – તું કોણ છે

તું થઈ શકે તો આ અવાજો મ્યાન કર

હું મૌનની તલવાર છું – તું કોણ છે

હોવા પછીનો અર્થ તો જે હોય તે

હું શ્વાસનો હકદાર છું – તું કોણ છે?

hun shabdno shangaar chhun - tun kon chhe