રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વેણુ વાગી
wenu wagi
ન્હાનાલાલ દલપતરામ કવિ
ન્હાનાલાલ દલપતરામ કવિ
અજબ કો વેણુ વાગી, વેણુ વાગી;
હું તો આછી નીંદરમાંથી જાગી, સખિ!
મ્હારા મનની મહેમાની માગી:
અજબ કો વેણુ વાગી, વેણુ વાગી.
હિરદોરની હિન્ડાળદોરી ડોલી, સખિ!
લોકલોકના કલ્લોલબોલ બોલી,
અજબ કો વેણુ વાગી, વેણુ વાગી.
ઘેરે ટહુકે અંજાયાં નેત્ર નમણાં, સખિ!
સર્યાં સહિયર! સલૂણાં મ્હારાં શમણાં;
અજબ કો વેણુ વાગી, વેણુ વાગી.
ધીમી ધીમી અમીની છલક આવી, સખિ!
મીઠી હલકે મ્હને એકલી હસાવી:
અજબ કો વેણુ વાગી, વેણુ વાગી.
અજબ કો વેણુ વાગી, વેણુ વાગી.
સ્રોત
- પુસ્તક : ન્હાનાલાલ-મધુકોષ (પૃષ્ઠ ક્રમાંક 24)
- સંપાદક : અનંતરાય રાવળ
- પ્રકાશક : સાહિત્ય અકાદમી
- વર્ષ : 2002