રેખ્તા
હિન્દવી
સૂફીનામા
રાજસ્થાની
એક નિરંતર લગન:
અમે રસ પાયા કરિયેં!
એકબીજામાં મગન:
અમે બસ ગાયા કરિયેં!
કોઈ ચાંગળું લિયે, પવાલું
કુંભ ભરે, જો રાજી!
કોઈ કરે છો ને મુખ આડું,
ને ઇતરાજી ઝાઝી!
છાંય હોય કે અગનઃ
અમે રસ પાયા કરિયેં!
સફર મહીં હો ઉજ્જડ વગડો,
કે નગરો ઝળહળતાં,
યાળ ઉછાળે ખારો દરિયો,
કે ઝરણાં ખળખળતાં;
હવે મુઠ્ઠીમાં ગગન!
અમે બસ ગાયા કરિયેં!
સ્રોત
- પુસ્તક : બૃહદ ગુજરાતી કાવ્યપરિચય - ૧ (પૃષ્ઠ ક્રમાંક 132)
- સંપાદક : મોહનભાઈ પટેલ, ચન્દ્રકાન્ત શેઠ
- પ્રકાશક : ગૂજરાત વિદ્યાપીઠ
- વર્ષ : 1973