રેખ્તા
હિન્દવી
સૂફીનામા
રાજસ્થાની
પ્રીતમ લખલાણી
Officeમાં
આજે કામ કર્યું હોત તો
મનના કોઈ ખુણે
ભય હોય કે
જો ક્યારેક
કદાચ કોઈ ભૂલ થઈ હશે તો
આવતી કાલે staff સામે
હમણાં
કૉલેજમાંથી નવી
Graduate થઈને આવેલ
પેલી છોકરી જુલિયા
બધા વચ્ચે ખખડાવી નાખશે પણ
મેં તો કામને Filesના ઢગલા વચ્ચે મૂકી
દિવસ આખો
મિત્રો જોડે
ન્યૂયોર્ક, બોસ્ટન અને શિકાગો,
ફોન પર વાતોના વડાં કરતા...
બપોરે નિરાંતે
ઓફિસની બેચાર અમેરિકન કન્યા જોડે
Lunchમાં
ઈટાલિયન રેસ્ટોરન્ટમાં જઈને
Cold Beer ગટગટાવ્યાં
આવતા Weekમાં
મારો Birthday છે
અને હું Vacation પર છું
એટલે રોજ મારી
આંખ સામેથી
નાકનું ટેરવું ચઢાવીને ચાલી જતી
નંદિતા મહેતા
ઘરેથી Cake બનાવી લાવી હતી
એટલે બધાએ
હોંશેહોંશે
Happy Birthday to youનું song લલકાર્યું...
સાંજે હજુ મેં
Driveમાં
Car park કરી ન કરી ત્યાં તો
આંગણાના
દિ'આખો મેપલ વૃક્ષ તળે
ચૂપચાપ બેસી
એક ચકલીઓનું ટોળું ચી..ચી કરતું
મને આવકારતું
મારી car પર ફરી વળ્યું..
મને જોઈ સવારથી બેસીને
હીંચકા ખાતા પવનને તગેડી
મને સાદ પાડતા
હીંચકે
નિરાંતનો થાક ખંખેરીને
બેસવા જાઉં છું ત્યાં તો
એક પતંગિયું
મારા ખભે બેસી
દિવસે પૂંછડી પટપટાવતી
ફળિયાને માથે લઈને
ફરતી ખિસકોલી બાઈને
કેવી મૂર્ખ બનાવી
તેની વાત કહેવા માંડ્યું
દીકરીએ હાથમાં
ઠંડા પાણીનો ગ્લાસ મૂકી
મને તેને મેડિકલમાં એડમિશન મળી ગયું
તેના ખુશી સમાચાર આપ્યા...
આજે Mailમાં
આવેલ બેચાર
આમંત્રણ પત્ર મારી સમક્ષ મૂકી
દીકરાએ કહ્યું ડેડી,
હું High Courtમાં કેસ જીતી ગયો...
અને રોજ સાંજે
બૂમ મારીને મરી જાઉં ત્યારે
તપેલી પછાડીને ચા ચૂલે મૂકતી
પત્નીએ હસીને
ગરમ પૌવા બટેટાના નાસ્તા સાથે
હાથમાં ચાનો કપ આપ્યો...
આજે દિવસની એવી
કોઈ એકાદ પળ નહીં હોય
કે મેં ખુશી સિવાય
કશું જ અનુભવ્યું ન હોય...
તેમ છતાં આ સલૂણી
સાંજે હું મને
પૂછી શકું છું પણ
કહી શકતો નથી કે
હું કેમ ઉદાસ છું
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.