રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

દેખને મેં કૈસી ભોલી ભાલી

ભરત ત્રિવેદી

દેખને મેં કૈસી ભોલી ભાલી

ભરત ત્રિવેદી

Roman

એ કોઈ

દૂધવાળી નથી કે

સવારે સમયસર બારણે આવીને

હાંક મારે

તે તો આવે અડધી રાતે

અગાશી કે પછી બારી વાટે

પાણીની પાઇપ ઝાલીને

એવી તો સડસડાટ ઉપર

આવતી રહે કે

અડધી ઊંઘમાં ઘેરાયેલી

ખિસકોલી પણ આંખો ચોળતી

જોતી રહે!

શું કરે છે અલ્યા ડોબા?

કહીને તમારા હાથમાં

કાગળ-પેન પકડાવી દે

અને લખાવે.

તમે લખો એક તો તે લખાવે બે

તમે લખો દિવસ તો તે લખાવે રાત

તમે લખો પ્રેમ તો તે લખાવે વહેમ!

હુંસાતુંસીમાં રાત નીકળી જાય

ને અખબારવાળો આવે

તે પહેલાં તો તે કાછડો બાંધીને

એવી તો પાઇપ ઝાલીને નીચે

ઉતરી જાય કે

તમે આખો દિવસ

રાત પડે તેનાં સપનાં જોતાં રહો

તે આવે ખરી?

એમ રોજરોજ આવે તે

વાતમાં માલ જ ક્યાં છે!

લો, તમે બારી વાસવાનું ભૂલી ગયા ને

તે આવીને તમારી રજાઈ ખેંચે!

તમારા ચશ્માં સાફ કરીને

પહેરાવી પણ દે

ખુરશીમાં સામે બેસીને કહે

લખ ડોબા :

બાગો મેં બહાર હૈ? ફૂલોં મેં નિખાર હૈ?

કહે ચાલ હવે આગળ વધ

તમે લખી નાખો : હમકો તુમસે પ્યાર હૈ

ક્યાં ગઈ પેલી નખરેવાલી

આવજે હવે...

સ્રોત

પુસ્તક : મનસંહિતા (પૃષ્ઠ ક્રમાંક 229)
સર્જક : ભરત ત્રિવેદી
વર્ષ : 2022