રેખ્તા
હિન્દવી
સૂફીનામા
રાજસ્થાની
હું સાંભળું છું
hun saambhalun chhun
સુરેશ જોષી
સુરેશ જોષી
હું સાંભળું છું
શબ્દ :
વસૂકી ગયેલી ગાયનાં ચિમળાયેલાં આંચળ,
કીટથી કોરાયેલું બોદું બહેરું ફળ;
ડૂબી ચૂકેલા વ્હાણના છેદાયલા લંગરતણો
જલગર્ભમાં નિઃશ્વાસ;
નિઃસંગ શિલાસોડમાં પડખું ઘસીને
પવન કરતો લવલવાટ;
પણ્યાંગનાની આંખમાં
સુરમો કકળતો આખી રાત;
અંગે નપુંસકના બળે
ભડભડ સદાયે વાસનાની આગ;
લાખ્ખો અદીઠ દાઢે ચવાતા
ચૂર્ણ આ અંધારકેરો આર્તનાદ;
સૂર્યઘુવડના અવાજે ચોંકતી
મધરાતનાં રે થરકતાં ગાત.
સ્રોત
- પુસ્તક : સુરેશ જોષી સંચય (પૃષ્ઠ ક્રમાંક 140)
- સંપાદક : શિરીષ પંચાલ, જયંત પારેખ
- પ્રકાશક : ક્ષિતિજ સંશોધન પ્રકાશન કેન્દ્ર
- વર્ષ : 1992