રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
-ને હું
ne hun
પન્ના નાયક
પન્ના નાયક
દર વખતે
સંયોગ પછી
તને તરત ઊંઘ આવી જાય છે -ને હું
મારા કદીય
ન જન્મવાના બાળકના
ખ્યાલો સાથે
પાસા ઘસતી
દુ:સ્વપ્નોની વચ્ચે જીવું છું.એનું નામ
હું “વૈભવ” રાખીશ.ભિખારીની, ટિનની
ગોબાઈ ગયેલી
ખાલી વાડકી જેવી,આપણી જિંદગીનો
એ ‘વૈભવ’ જ હશે! અરે, જો! જો! ક્યાંક નગારાં વાગે છે…કોઈ લાંબા લાંબા નખથી
મારા સ્નાયુઓ ખોતરી “વૈભવ” ને લઈ જાય છે…
મારી માંડ મળેલી
આંખ ખૂલી
ને જોયું તો
પથારી પાસેથી
સિસકારા બોલાવી
ચોર-પગલે
પવન
બારીની તડ વાટે
બહાર નીકળી ગયો…તારા નસકોરા
પણ શમી ગયાં…-ને હું
પાટા પરથી
ઊથલી પડેલી ટ્રેનની જેમ
ઊંડે ઊંડે ખીણમાં…
સ્રોત
- પુસ્તક : વિદેશિની (પૃષ્ઠ ક્રમાંક 91)
- સર્જક : પન્ના નાયક
- પ્રકાશક : ઇમેજ પબ્લિકેશન્સ
- વર્ષ : 2000