રેખ્તા
હિન્દવી
સૂફીનામા
રાજસ્થાની
ફફડાટ
phaphDat
ઈન્દુકુમાર ત્રિવેદી
ઈન્દુકુમાર ત્રિવેદી
ઘરે
રજાના દિવસે બપોરે
થયું મને
કૈં ઠીક ઠીક ગોઠવું,
ત્યાં છાજલીમાં ચીજને ખસેડતાં
અજાણતાં સ્હેજ અડી જતામાં
ઈંડું દડ્યું નીડથી ભોંય, ફૂટ્યૂ:
હૈયે થયો ત્યાં ફફડાટ પંખીનો.
સ્રોત
- પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 125)
- સંપાદક : ચન્દ્રકાન્ત ટોપીવાળા
- પ્રકાશક : ગુજરાતી સાહિત્ય પરિષદ
- વર્ષ : 2004