રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ભીખુ કપોડીયા
1
આ અળળળળસિયાને
ટેબલ પર મૂક્યું
ખચ્ એક
ખચ્ બે
ને એમ ફૂટપટ્ટીના
કપાયેલા ત્રણ અલગ અલગ ઈંચ
યરલવ કક્કો વલવલતા,
અલેવલે થઈ
એમ જ રહી ગયા.
2
વળી અળસિયાની વેંત લઈને
તારી હથેળીને
માપવા મથું છું
પણ આ અળિસયું તો
વળી વળીને
વર્તુળ જ થઈ જાય છે વળી!
3
‘ળ’એ અળસિયાને મોંમાં મૂકી
મોં બંધ કર્યુ : અળસિયું મોંઢામાં મીડું.
ક્ષણ પછી એણે
થર્મોમીટર કાઢીને
ટેબલ પરની પાણી ભરેલી બરણીમાં
પેન્સિલ મૂકી.
4
આ એક અળસિયું લીધું
अ
આ બીજું અળસિયું લીધું
ब
આ ત્રીજું અળસિયું લીધું
क
ને એમ કોરા કાગળ ઉપર
ત્રિકોણની માંડણી કરું છું
પણ અળળળ આ અળસિયાં તો અળવીતરાં!
ભૂમિતિ કે વ્યાકરણ
કાગળ પરથી લસરક લસરી જ
પડે છે ત્યાં!
5
તારા છૂટા કેશરાશિને
તેં બાંધી દેવાની હઠ લીધી.
એક અળસિયાની ગાંઠ દઈને
એને બાંધી દેતાં
મારાં
દશ અળસિયાં હવે
એમાં અવળસવળ.
સ્રોત
- પુસ્તક : – અને ભૌમિતિકા (પૃષ્ઠ ક્રમાંક 47)
- સર્જક : ભીખુ કપોડિયા
- પ્રકાશક : ચંદ્રમૌલિ પ્રકાશન
- વર્ષ : 1988