રેખ્તા
હિન્દવી
સૂફીનામા
રાજસ્થાની
અમારો દેશ
amaro desh
મૂળજીભાઈ ભક્ત
મૂળજીભાઈ ભક્ત
આ અમારો, આ અમારો,
આ અમારો દેશ છે!
મારો નહિ, તારો નહિ
એનો નહિ, પેલાનો નહિ
આપણ સૌનો, આપણ સૌનો
આપણ સૌનો દેશ છે!
— આ અમારો...
દરિયા બધા આપણા
નદીઓ બધી આપણી
ડુંગર બધા આપણા
એની માંહેનું સોનું ચાંદી
પથ્થર બધાં આપણાં!
— આ અમારો...
એને માટે મરશે કોણ?
એને માટે જીવશે કોણ?
જીવવાનું છે આપણે!
— આ અમારો…
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 72)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ