રેખ્તા
હિન્દવી
સૂફીનામા
રાજસ્થાની
ધમાચકડી
dhamachakDi
રમેશ પારેખ
રમેશ પારેખ
એકડો સાવ સળેકડો ને બગડો ડીલે તગડો.
બંને બથ્થંબથ્થાં બાઝી કરતા મોટો ઝગડો.
ત્રગડો તાળી પાડે અને નાચે તા....તા....થૈ.
ચોગડાની ઢીલી ચડ્ડી સરરર ઊતરી ગૈ.
પાંચડો પેંડા ખાતો એની છગડો તાણે ચોટી.
સાતડો છાનોમાનો સૌની લઈ ગ્યો બધી લખોટી.
આઠડાને ધક્કો મારી નવડો કહેતો ખસ,
એકડે મીંડે દસ, ત્યાં આવી સ્કૂલની બસ.
સ્રોત
- પુસ્તક : મઘમઘાટ (પૃષ્ઠ ક્રમાંક 31)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982