દાદાનો ડંગોરો લીધો

દાદાનો ડંગોરો લીધો

દાદાનો ડંગોરો લીધો,

એનો તો મેં ઘોડો કીધો.

ઘોડો કૂદે ઝમ ઝમ !

ઘૂઘરી વાગે ઘમ ઘમ

ધરતી ધ્રૂજે ધમ ધમ!

ધમ ધમ ધરતી થાતી જાય

મારો ઘોડો કૂદતો જાય,

કૂદતાં કૂદતાં આવે કોટ,

કોટ કૂદીને મૂકે દોટ.

સહુના મનને મોહી ગયો,

એક ઝવેરી જોઈ રહ્યો,

ઝવેરીએ તો હીરો દીધો,

હીરો મેં રાજાને દીધો.

રાજાએ ઉતાર્યો તાજ,

આપ્યું મને આખું રાજ,

રાજ મેં રૈયતને દીધું.

મોજ કરીને ખાધું પીધું.

daadaano dangoro liidho