રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

કાં?

રમણ સોની

કાં?

રમણ સોની

પ્રભાતમાં ઝાકળની કીકીમાં

જોઉં તમારું સ્મિત શ્વેત-શુભ્ર...

અશબ્દ એ, આ નભ-લાલીમામાં,

મ્હોરી ઊઠે ઓષ્ઠ-શુ લાલ-લાલ

બપ્પોરના આતપમાં વિલોકું

રોષે ભરેલી તવ આંખને પ્રિયે!

વ્યાપી રહે કંપન વાયુમાં, તવ

ધ્રૂજી રહે અંગુલિ-ઓષ્ઠ જાણે.

રિસાઈને તેં લીધ ફેરવી મુખ,

સમીપ આવી સ્પરશું કપોલ...ને

ચૂઈ પડે આંખ... રતાશ ચૂમી લૌં

જાણે – વિલોકું જવ આર્દ્ર સંધ્યા...

તમે બધે આમ વસી રહો કાં?

વિયોગની તો તક એક દો, પ્રિયે?

સ્રોત

પુસ્તક : કુમાર - ઑગસ્ટ ૧૯૬૯ (પૃષ્ઠ ક્રમાંક 279)
સંપાદક : બચુભાઈ રાવત