જો વાંધો ન હોય તો તમને—

ક્યારેક પત્ર હજીયે લખતાં રહો તો?

એમાં તમારું સુખિયાં! કશુંયે ન જાય;

જે બેક અક્ષરનું ભાગ્ય મળ્યું અમોને—

જે બે ક્ષણો સુધરી અત્ર અમારી જાય;

થોડું ભલે, અમથું આ કણમાંય વર્ષો;

જે બે ટીપાં નસીબમાં અમને મળ્યાં તે—

ના ઊગશે કશુંય જાણું છું—તોય, તોય—

આ બાપડા વગરકારણ હિજરાતા

છો બે કણો જનમના તરસ્યા ભીંજાય;

સૂકા બીડે વરસશો નહીં, જાવ; માત્ર

આવો ફરીથી થઈ ઝાકળ, બેક બુંદ;

છો બેક કંઈ તણખલાં પલળી મૂળોમાં

વર્ષાભ્રમે કુતૂહલાય, ટટાર થાય;

એમાં તમારું સુખિયાં! કશુંયે ન જાય.

jo vaandho na hoy to tamne-