રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
શહેરમાં એક દિવસે
shaherman ek diwse
રામચંદ્ર પટેલ
રામચંદ્ર પટેલ
અહીં શ્હેરેઃ ઊંચા ઘરમહીં ફરું શાન્ત; હળવે
રહી બારી ખોલી નીરખું ત્યહી ઘોંઘાટ રવના
કરંટે ફેંકાઈ ઊકળી રહું હું ફ્લેટ વચમાં.
પછી અંધારું આ ડીઝલનું બધું ઊતરી પડી
ગળે ટૂંપો દે ત્યાં દૂરથી ઊછળી ગામ પળમાં.
પ્રવેશીને છાંટે તરુતરુની છાયા, પવનનાં
હલેસાંની સાથે વિહગ-ટહુકાનાં ફળ ગળ્યાં
ચખાડે ત્યારે તે પ્રભુતણી હથેલી સમ ઝગી
લહેરાતાં શ્વાસે મઘમઘ બની ખેતર બધાં
ઢળે; ને ધેનુ દૂધની રણકતી ધાર વળગે
સરી આવે માડી નભથી ઝરતી વાદળી સમી
અને લોહીનું ઘી રમતું થઈ જાતું સહજમાં.
—અહીં ઓચિંતી આ જતી ઘડીકમાં લિફ્ટ ખખડી
જતું ઊડી મારા હૃદય પરથી ગામ ફફડી.
સ્રોત
- પુસ્તક : કાવ્યસંચય - 3 (પૃષ્ઠ ક્રમાંક 141)
- સંપાદક : રમણલાલ જોશી, જયન્ત પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981