રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
રાત
raat
મણિલાલ દેસાઈ
મણિલાલ દેસાઈ
અને તૂટ્યા રસ્તા, ટપ પરણ થૈને તરુ ખરે,
ખરે તારા, પ્હાડો દડબડ દડે, ને અવ કશું -
નથી જે તે તેને અવર જ થતું ને નવ થતું.
બનીને અંધારું ઘર પીગળતું, ગામ પીગળે.
પછી રેલો, વ્હોળો, ઝરણ, નદી થૈને દિવસ તો -
વહયો વાંકોચૂકો, ખળખળ, ઉછાળે, કળવળે;
તરે ઝાંખા ઝાંખા સૂરજ પડછાયા ઉદધિમાં
અને ધીમે ધીમે અવનિ પર અંધાર ઊતરે.
હવે અંધારાનો અજગર ફરે ગામ, વનમાં;
હવે અંધારાનું જલ ટપટપે ઘેર, ગલીમાં;
હવે અંધારાનું પવન થઇ વ્હેવું ગગનમાં;
હવે અંધારાનો મગર ગળી જાતો અવનિને.
-પડી. ને ફેંકાઇ જલ થલ હવામાં બધબધે
અને ત્યાંથી બેઠી થઇ હૃદયમાં આગળ વધે.
સ્રોત
- પુસ્તક : ગુજરાતી સૉનેટ (પૃષ્ઠ ક્રમાંક 88)
- સંપાદક : ડૉ. મણિલાલ હ. પટેલ, ડૉ. દક્ષેશ ઠાકર
- પ્રકાશક : પાર્શ્વ પબ્લિકેશન
- વર્ષ : 2000