વાંકા રે વાંકા શું રે હીંડો છો

‘વાંકા રે વાંકા શું રે હીંડો છો? આવડું શું રે ગુમાન જી?

પરનારીની સંગે રમતાં નથી વળી કાંઈ સાન, જોઈને ચાલોજી.’

‘તું તારા મનમાં વિમળ છે, હું છું નાનું બાળ જો,

કેમ કરી મુને મોટો જાણે? જૂઠાં શીદ ચડાવે આળ?’ જોઈને૦

‘નાના છો પણ ગુણ મોટાના, નારી વિના કોણ જાણે જી?

અંગોઅંગથી વિહ્વળ કીધાં, માર્યાં લોચનનાં બાણ.’ જોઈને૦

‘નારી તો પુરુષથી અળગી, અળગી વળગી ચાલે જી;

દયારામના પ્રીતમ હસીને બોલ્યા : ‘હવે મળીશું કાલે.’ જોઈને૦

vaankaa re vaankaa shun re hiindo chho