સખી! સાંભળ-ને કહું વાતડી

સખી! સાંભળ-ને કહું વાતડી : આજ અનુપમ દહાડો દીઠો રે;

મારા ગુરુજીએ શબ્દ સુણાવિયો, ઈ તો સાંભળતાં લાગે મીઠો રે. ૧

સખી! ભાંગી દલડાની ભ્રાંતડી, પરમાતમા જોવા સરખા રે;

મેં તો નેણે નિરખ્યા નાથને, મારી મટી ગઈ અંતર-તરસા રે. ૨

સખી! શું રે કરીએ અમે સાધના? મારી સુરતામાં હરિ સંધાણા રે;

સભી જોઉં ત્યારે દીસે પાસમાં, મારે વચને વાલોજી બંધાણા રે. ૩

સખી! ઊંચું જોઉં તો આસમાનમાં, હેરીને દોઉં તો હેઠા રે;

સખી સૂઈને દોઉં તો ઝળકે સેજમાં, શૂનમાં નિરખું તો તખતે બેઠા રે. ૪

સખી! પરણી પિયુજીને પ્રીછવે, કુંવારી કંથમાં સું જાણે રે?

કુંવારી રમે ઢીંગલે-પોતિયે, ઈ તો મેરમને શું માણે રે? ૫

સખી! મરજાદા મેલી મળ્યા, એની છત રહેવે નહિ છાની રે;

સખી! ભાણ-પ્રતાપે બોલિયા, હું તો મેરમને મન માની રે. ૬

sakhi sambhal ne kahu vatadi