રેખ્તા
હિન્દવી
સૂફીનામા
રાજસ્થાની
ચાકર રાખો, શ્યામ! મુને ચાકર રાખો જી.
શામળિયા ગિરધારી લાલ! ચાકર રાખો જી.
હજુરી ચાકર રહેશું જી, મોહન મોરલીવાળા!
ચાકરીમાં સમરણ માગું, દર્શન માગું ખરચી;
ભાવભક્ત ઝાઝેરી માગું, ચાર વારતા ચરચી. અમને.
જપ કરવાને બ્રાહ્મણ સરજ્યા, તપ કરવા સંન્યાસી;
ભજન કરવા સંત સરજ્યા, વૃંદાવનના વાસી. અમને.
ચાકર રહેશું, બાંગ લગાવશું, નિત નિત સેવા કરશું;
બાઈ મીરાંકે પ્રભુ ધિર નાગર, રાધેગોવિંદ ગાશું. અમને.
સ્રોત
- પુસ્તક : મીરાંનાં શ્રેષ્ઠ પદ
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997