રેખ્તા
હિન્દવી
સૂફીનામા
રાજસ્થાની
છબીલા નંદના રે! તારી ચાલનો ચટકો જો;
છોરા આહીરના રે! તારા મુખનો મટકો જો. છo ૧
ચાલનો ચટકો, મુખનો મટકો, મોહિની નાંખે એમ;
કાળી તારી કાંબળીમાં કામણ દીસે છે કેમ? છo ૨
ચટકો તારી ચાલનો રે, પાવડીએ કંગર કોર;
છુમક છુમક ઘૂઘર વાજે, નેનમાં નાચે મોર. છo ૩
તાણીને બાંધે પાઘડી રે, ઢળતો મૂકે તોર;
શેરીએ લથડતો હીડે, મોરલી તે ઘનઘોર. છo ૪
મુખ દેખાડીને ઘેલાં કીધાં, જાણે હરાયાં ઢોર;
ભાલણ-પ્રભુ રઘુનાથજી, મારા ચિત્તલડાના ચોર. છo ૫
સ્રોત
- પુસ્તક : આરાધના : મધ્યકાલીન ભક્તિગીતો (પૃષ્ઠ ક્રમાંક 19)
- સંપાદક : ડૉ. શિવલાલ જેસલપુરા
- પ્રકાશક : સાહિત્ય સંશોધન પ્રકાશન
- વર્ષ : 2002