મલ્લે મહીયારી કોય

મલ્લે મહીયારી કોય

ક્હાન :

મલ્લે મહીયારી કોય મલ્લે મહીયારી,

ગોરસ અમને પાયે રે,

સરવસ સોંપે લજ્યા ન લોપે,

આપે હલકી થાયે રે.

બોલી જાંણે ચાલી જાંણે,

જાંણે અમાહારા દેસ રે,

મુલ્લ મંત્ર માહ્યલા જાંણે,

એહેવા હોએ ઉપદેસ રે.

પાત્ર પાવન ગાત્ર પાવન,

પાવન માંહલું મહી રે,

અવર સવર ઉછંગી નાખ્યુ,

ત્યેહેની સાથે સહી રે.

સખી સમાંણી સોહી પ્રમાંણી

સોરત્યે નોરત્ય ઠેરવે રે,

વસ્તા વીસ્યંભર ઉન સે સ્વયંભર,

બીજી કાંમ્ય આવે રે.

(‘વસ્તાનાં પદો’માંથી)

malle mahiiyaarii koy