રેખ્તા
હિન્દવી
સૂફીનામા
રાજસ્થાની
જુઓ રે આ બાળકની ગત્ય
juo re aa balakni gatya
નરસિંહ મહેતા
નરસિંહ મહેતા
જુઓ રે આ બાળકની ગત્ય, આંગણડામાં રમતો રે;
માતા આગળ બોલી ન જાણે, તે માનુનીનાં મન હરતો રે. જુ૦ ૧
ધન્ય ધન્ય માતા જશોમતી, ઉછંગે આવંતો રેઃ
બ્રહ્માદિક જેનો ભેદ ન જાણે, તે ભામિનીને ભાવંતો રે. જુ૦ ર
વાછરડાનું પૂછ ગ્રહીને ઊઠી ઊભો થાયે રે;
ભણે નરસૈયો : ધન્ય એ ગોપી જે ભીડે રુદિયા માંહે રે. જુ૦ ૩
સ્રોત
- પુસ્તક : નરસિંહ મહેતાના શ્રેષ્ઠ પદ (પૃષ્ઠ ક્રમાંક 69)
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997