રેખ્તા
હિન્દવી
સૂફીનામા
રાજસ્થાની
જાગો રે
jago re
નરસિંહ મહેતા
નરસિંહ મહેતા
(રાગ પ્રભાતી)
જાગો રે, જશોદાના જીવન! વહાણલાં વાર્યાં;
તમારે ઓશીકે મારાં ચીર ચંપાયાં. જા૦ ૧
પાસું મરડો તો, વહાલા! ચીર લેઉ તાણી;
સરખી-સમાણી સૈયરો સાથે જાવું છે પાણી. જા૦ ર
પંખીડાં બોલે રે, વહાલા! રજની રહી થોડી;
સેજલડીથી ઊઠો, વહાલા! આળસડી મોડી. જા૦ ૩
સાદ પાડું તો, વહાલા! લોકડિયાં જાગે;
અંગૂઠો મરડું તો પગના ઘૂઘરા વાગે. જા૦ ૪
જેને જેવો ભાવ હોય તેને તેવું થાયે;
નરસૈંયાચા સ્વામી વિના રખે વાહાણેલું વાયે. જા૦ પ
સ્રોત
- પુસ્તક : નરસિંહ મહેતાના શ્રેષ્ઠ પદ
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997