ગોરાંદેનો ઠમકો રે સુંદર વાજણો રે

ગોરાંદેનો ઠમકો રે સુંદર વાજણો રે, ઝમક્યો માઝમ રાત રે;

સાંભળ, સહિયર! મારી વાત. ગો૦

એક અંધારી વેરણ રાતડી રે, બીજી ઘેર સાસુડી રિસાળ,

ત્રીજી વનમાં બોલે કોયલડી રે, બાપીડો બોલે છે ૨સાળ. ગો૦

ચાંદલિયો ઊગ્યો તે મસ્તક આવિયો રે, પ્રેમ ઘણો ને થોડી રાત;

આણી વેળા શામળિયો જો મળે રે, કરું મારા મનડા કેરી વાત. ગો૦

કોઈ રે મિલાવે મુંને મહાવજી રે, ભુજ ભરી લેઉં હું બાથ;

નરસૈંયાચો સ્વામી મુને પ્રેમે મળ્યો રે, વહાલેજીએ સાહ્યો આવી હાથ. ગો૦

goraandeno thamko re sundar vaajno re