રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સુણો, સખી!
suno, sakhi!
નરસિંહ મહેતા
નરસિંહ મહેતા
(રાગ સામેરી)
સુણો, સખી! આજની રાતની સુરત રમ્યો વહાલોજી નાના રે ભાત. સુ૦ ૧
અતિ રંગ કીધો, અધરરસ પીધો, પછે મારા વા'લાજીને ઉર પર લીધો. સુ૦ ર
કામ-ગેહેલો કાનજી કામી, સેજડીએ શામળિયો સુંદરવર પામી. સુ૦ ૩
‘મા મા’ કરતાં મૂકે ન ઘડી, હીંચે રે હીંડોળે વહાલો ચડી રે ચડી. સુ૦ ૪
સકળ સંયોગે વહાલે પેરે પેરે પીડી, નરસૈંયાચો સ્વામી રહ્યો રે અંગ ભીડી. સુ૦ પ
સ્રોત
- પુસ્તક : નરસિંહ મહેતાના શ્રેષ્ઠ પદ
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997