રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
લટકાળા તારે લટકે રે, લેરખડા હું લોભાણી;
latkala tare latke re, lerakhDa hun lobhani;
બ્રહ્માનંદ
બ્રહ્માનંદ
લટકાળા તારે લટકે રે, લેરખડા હું લોભાણી;
વાંસલડી કેરે કટકે રે, ચિત્તડાને લીધું તાણી.
છોગલિયું તારું છેલા રે, આવી અટક્યું અંતરમાં;
વણ દીઠે રંગના રેલા રે, બેઠી અકળાઉં ઘરમાં,
રાતી આંખલડીની રેખું રે, મનડામે ખુંતી મારે;
ડોલરિયા હું નવ દેખું રે, જંપ નથી થાતો જ્યારે.
મરમાળી મૂર્તિ તારી રે, વાલમ મારે ચિત્ત ચડી;
બ્રહ્માનંદના હાર હજારી રે, કેમ કરી મેલું એક ઘડી.
સ્રોત
- પુસ્તક : કાવ્યસંચય - ૧ (પૃષ્ઠ ક્રમાંક 216)
- સંપાદક : અનંતરાય મ. રાવળ, હીરા રામનારાયણ પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981