નાથ મોરી અરજ સુણો અવિનાશી

નાથ મોરી અરજ સુણો અવિનાશી,

હું તો જનમ જનમ તોરી દાસી. ટેક.

સતી સભામાં શ્યામ સંભારે, ત્રિકમ તોરે રંગ રાચી;

પ્રકટ થાઓ પાતળિયા વા’લા, હરજી થાશે બહુ હાંસી.

આ સમય તો અર્જુન જેવા, તે પણ રહ્યા છે તપાસી;

ભીમસેન બેઠા ભૂમિ ખોતરવા, પીઠ ફેરી ગયા પાછી.

પાંડવ તો પૃથ્વીને હાર્યા, હસ્તિનાપુર કે વાસી;

અબળા નારી એમ પોકારી, જીવન તમને હું જાચી.

ભીડ પડી હવે આવો ભૂધરજી, વનિતા કહે વ્રજવાસી;

ભોજો ભગત કહે ભક્તવત્સલ, પ્રેમતણા છો પિયાસી.

Nath Mori Araj Suno Avinashi