રેખ્તા
હિન્દવી
સૂફીનામા
રાજસ્થાની
જંગી વૃક્ષને ઢાંકી
ઊછળતા અબ્ધિને કરવત સમી કાયા નીચે ચાંપી
છટકવા ક્યાંક મથતા આભને આંબી
પકડમાં ગોઠવીને
તીક્ષ્ણ ઝેરી શ્વાસનો ભરડો લઈ
વિકરાળ પખી
એક
આ
ઊભુ અહીં,
તોતિંગ આંખો, દીર્ઘ તીણા ન્હોર, વહ્નિઝાળ જેવી
દૃષ્ટિથી લેતું લપટમાં, ખડ્ગ જેવા પાય અડકાડી
ઊભું અહીં
એક
આ
વિકરાળ પંખી ક્રોધથી ફૂલવી ગળું,
એનાં
સુંવાળાં રંગબેરંગી પીછાંના પ્હાડ બરછટ, હાંફતો સેતાન ગણતા.
કિન્તુ એ
ક્યારેક
નાખી ભૂખથી ઝાંવાં શિકારો શોધતું પંખી
અચાનક ચીસ પાડી પાંખ વીંઝી
ઊડશે ત્યારે....
સ્રોત
- પુસ્તક : ઉદ્ગાર (પૃષ્ઠ ક્રમાંક 11)
- સર્જક : નલિન રાવળ
- પ્રકાશક : રવાણી પ્રકાશન ગૃહ
- વર્ષ : 1962