રેખ્તા
હિન્દવી
સૂફીનામા
રાજસ્થાની
સવાર
sawar
અજિત ઠાકોર
અજિત ઠાકોર
કપાસના હોઠો ભીંજ્યા છે લથબથ
ધૂસરતા તો ચાસ ચાસને છેટે ચાલે
કપાસની બહુ તેજ ધ્રાણથી
નાક મહીં ટેકરીઓ તીખી ઊગે ગુંજની
ખેતરશેઢે ચોમાસાંનાં ચરણચિહ્ન ભૂંસાય
સૂતેલું ગતકાળ તણું નભ મોરચીસમાં હીબકાં ભરતું
દેવચકલીઓ દૂ...ર થોર પર ચંચળ બેઠી
પંખીઓના કલરવ પરથી સવાર ખરતી
ખરતી સવાર ફાળીએ બાંધી હાળી જાય ડોલતો...
સ્રોત
- પુસ્તક : અલુક્ (પૃષ્ઠ ક્રમાંક 10)
- સર્જક : અજિત ઠાકોર
- પ્રકાશક : પોતે
- વર્ષ : 1981