સાંજની ભૂખર નિશ્ચલ આંખોમાં પડશે પડછાયા

સાંજની ભૂખર નિશ્ચલ આંખોમાં પડશે પડછાયા

સબોસબ વીંઝાશે તરવાર ઘડીભર ફળિયે

ફળિયે પીળચટાં પર્ણો તડકાનાં ખરશે...

ઠેસે ચડશે...

ફળિયે આછા આછા અંધકાર શી સંભવનાઓ

સૂનમૂન ઘરમાં સંચરશે...

ફળિયે ભીંતોના અપલક પડછાયા

ઉજ્જડ ચહેરે ટોળે વળશે...

ફળિયે કંકુવરણો સૂનકાર ગોખેથી ખરશે...

ખરતો રહેશે...

ઉંબરા દૂ...ર દૂ...ર સૂસવશે

ફળિયું ઝીણી આંખે જોયા કરશે

હમણાં ઝાંખા ફાનસ જેવું ઘર

ઘરમાં હરશે...ફરશે...

sanjni bhukhar nishchal ankhoman paDshe paDchhaya