રેખ્તા
હિન્દવી
સૂફીનામા
રાજસ્થાની
દિનાન્તે
dinante
વિનોદ અધ્વર્યુ
વિનોદ અધ્વર્યુ
પ્રસ્વેદથી ગાલની ઓગળેલી લાલી સમી
રેલતી ઓઘરાળી સંધ્યા...
પ્રોઢા
પુરાણા શણગાર સામટા સજી
હજી ષોડશી સ્વપ્ન માણતી!
આંખો મહીં
આવતી રાત્રી કેરા અંધારની
કાજળ-પાળ વચ્ચે
મેલા તળાવે કંઈ માછલાં રમે!
ને એડીઓ ચંચલ ને અધીરી
પ્રતીક્ષતી?
ઇંગિત કોકનું!
જતી;
જતાં જરી પાછળ કિંતુ જોતાં
જોઈ મને,
ઝૂલતી પર્સમાંથી ફગાવતી બે સ્મિત
જે ક-વેળા વચ્ચે ધસેલી બસપે ઝિલાઈં રહે!
અને હું મારી બસમાંથી જોતાં,
અદૃશ્ય થાતી નિરખું વળાંકે
અને—
જતી આથમી એક સાંજને!
સ્રોત
- પુસ્તક : નન્દિતા (પૃષ્ઠ ક્રમાંક 10)
- સર્જક : વિનોદ અધ્વર્યું
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1960