રેખ્તા
હિન્દવી
સૂફીનામા
રાજસ્થાની
સવત્સા
savtsa
જોઈતારામ પટેલ
જોઈતારામ પટેલ
ગઈ કાલની અલ્લડ છોરી, આજ વત્સલા ગભીર ગોરી;
રેશમ નમણી હેતલ દોરી હાથ ધરીને ગાતી લોરી!
ગઈ કાલનાં શમણાં ધોળાં, આજે જીવન રંગ પટોળાં;
નયને છલકે નયણાં ભોળાં નરદમ કુમકુમ ગાલ કચોળાં!
ગઈ કાલ જે ઘર ઘર રમતી, આજ હથેળી લાલ હૂલવતી;
ચાળા પાડે : ડગલી ભરતી, હાથ-ટપાકે રાધે કરતી!
ગઈ કાલની એ બડભાગી કે ઉર સુખની છાલક વાગી;
રન્નાદેનાં દાન સુહાગી : કાળજ-કટકે માયા લાગી!
સ્રોત
- પુસ્તક : લીલપ લાગણીની (પૃષ્ઠ ક્રમાંક 12)
- સર્જક : જોઈતારામ પટેલ
- પ્રકાશક : કાવ્યગોષ્ઠિ પ્રકાશન
- વર્ષ : 1977