રેખ્તા
હિન્દવી
સૂફીનામા
રાજસ્થાની
વસ્યો હૈયે તારેઃ
રહ્યો એ આધારેઃ
પ્રિયે, તેમાં મારે પ્રણય દુનિયાથી નવ થયો!
નવા સંબંધોને સમય રસભીનો પણ ગયો!
નહિ તદપિ ઉદ્વેગ મુજનેઃ
નયન નીરખે માત્ર તુજનેઃ
હરે દૃષ્ટિ, વ્હાલી! સદય મૃદુ તારી જ રુજને!
સદા રે'શે એવી:
સુધાવર્ષા જેવી:
કૃતી માનું, દેવી! ક્ષણ સકલને જીવન તણી:
પ્રમત્તાવસ્થામાં નજર પણ નાખું જગ ભણી!
સ્રોત
- પુસ્તક : બૃહદ ગુજરાતી કાવ્યપરિચય - 1 (પૃષ્ઠ ક્રમાંક 65)
- સંપાદક : મોહનભાઈ પટેલ, ચન્દ્રકાન્ત શેઠ
- પ્રકાશક : ગૂજરાત વિદ્યાપીઠ
- વર્ષ : 1973