રેખ્તા
હિન્દવી
સૂફીનામા
રાજસ્થાની
મરણોન્મુખ બોદલેરને
maranonmukh bodlerne
હરિશ્ચંદ્ર ભટ્ટ
હરિશ્ચંદ્ર ભટ્ટ
તું પૃથ્વીએ વિહરતો નભનો પ્રવાસી!
સંશુદ્ધ કિલ્બિષ પદચ્યુત દેવદૂત!
દુઃખો દમે, સુખ કઠે, અસહાય તોયે
આનંદ-ક્રંદન–વિષાદ-નિમગ્ન યોગી.
આત્માનુતા૫ થકી દેહ ઉજાળતો, ને
ત્વદ્દેહ મીણ સમ બાળી ઉજાળતો તું
આત્મા; અને ઉભયનાં તપનો મહીં તેં
પીધાં વિષો જીવનનાં અમૃતો ગણીને.
સ્રોત
- પુસ્તક : સ્વપ્નપ્રયાણ (પૃષ્ઠ ક્રમાંક 18)
- સંપાદક : ઉમાશંકર જોશી
- પ્રકાશક : એન. એમ. ઠક્કરની કંપની, મુંબઈ
- વર્ષ : 1959