વા’લા મોરા

જમના જળ ભરવા ને જાઇ, જાદવરાય સામા મળ્યાં રે લોલ.

કે વા'લે મારે કચર્યોં જમણો પગ, કે હું હળવી પડી રે લોલ,

કે હૈડાં મળિયાં ભેટોભેટ, કે નયણે નીર ઝરે રે લોલ.

કે ગોરી મોરી આવડલાં શાં દુઃખ, કે હૈડાના હીર બળે રે લોલ.

કે વા'લા મોરા વાટે ન કરીએ વાત,

કે અબળાને આળું ચઢે રે લોલ.

કે વા'લા મારા આવજો આપણે ઘેર, કે કરશું ગોઠડી રે લોલ.

કે સાસુ-નણંદનાં સંતાપ, કે જેઠ ને દેર વઢે રે લોલ.

કે જેને નાહોલિયો નાદાન, તેનાં ઘર કેમ વસે રે લોલ.

wa’la mora