રેખ્તા
હિન્દવી
સૂફીનામા
રાજસ્થાની
શંખલપુરની શેરી રે તે તો
shankhalapurni sheri re te to
શંખલપુરની શેરી રે તે તો
shankhalapurni sheri re te to
શંખલપુરની શેરી રે તે તો મને જોયાના કોડ
હરું ફરું ને લઉં ફૂદડી
નીરખું નિત નવી વાટ
પહેલી પોળે પેસતાં
સામાં સુતારીનાં હાટ
સુતારી લાવે બાજોઠ
લ્યો બહુચરના નાથ
બહુચર બાળા ઓઢણી
ચૂંદડી લાલ ગુલાલ
બીજી પોળે પેસતાં
સામાં ગાંધીડાનાં હાટ
ગાંધી લાવે શ્રીફળાં
લ્યો બહુચરના નાથ
બહુચર બાળા ઓઢણી
ચૂંદડી લાલ ગુલાલ
ત્રીજી પોળે પેસતાં
સામાં દોશીડાનાં હાટ
દોશીડો લાવે ચૂંદડી
લ્યો બહુચરના નાથ
બહુચર બાળા ઓઢણી
ચૂંદડી લાલ ગુલાલ
ચોથી પોળે પેસતાં
સામાં સોનીડાનાં હાટ
સોનીડો તે લાવે ઝૂમણાં
લ્યો બહુચરના નાથ
બહુચર બાળા ઓઢણી
ચૂંદડી લાલ ગુલાલ
પાંચમી પોળે પેસતાં
સામાં માળીડાનાં હાટ
માળીડો તે લાવે મેડિયા
લ્યો બહુચરના નાથ
બહુચર બાળા ઓઢણી
ચૂંદડી લાલ ગુલાલ.
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 180)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, શ્રીમતી મનોરમા ભટ્ટ
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959